[center]هذي القصيدة اهداء حق كل بنت خليجية مو بس كويتية
[b]إن بغيت الطيب فيهـا طيـب مـا مثلـه مثيـل
وإن بغيت الحسن ربـي صاغهـا بـأروع جمـال
وإن بغيت الجود فيها الجود من عـرقٍ أصيـل
هذي ( بنت الكويت ) بنـتٍ تضاهـا بالرجـال
ما تعرف اليأس أو قولة ( بعيد ) أو ( مستحيل )
مـا تلاقـي عندهـا تعريـف للكلمـه ( محـال )
الصبوره .. القنوعـه .. ترضـى بالشـي القليـل
لوما أخشى مـن الملامـه كنـت ألبسهـا عقـال
الرقيقـه .. الحنونـه .. راعيـة بــالٍ طـويـل
الكريمـه .. العظيمـه .. مـا تقصّـر بالـوصـال
بنـت أبوهـا تخدمـه بعيونهـا لـو هـو عليـل
وأمها تفخـر بهـا وتدعـي لهـا بولـد الحـلال
أي وربـي للكويـت انــا مـارضـى بـديـل
يا بعدهم يالرطـب ياللـي كسـر سـوق الخـلال
يالجميله .. يالأصيله .. جيـت لـك مثـل الذليـل
يطلـب القـرب بوصالـك جننـه زود الــدلال
يالحشيمـه .. يالرحيمـه .. يـا وفيـه بالخلـيـل
زان طبعك من جدودك ثـم عمامـك والخـوال
من يلوم اللي غدى مـن نظـره بعينـك قتيـل
لـو يحـاول أو يقـاوم ؟! مالـه بموتـه مـجـال
إن حضرتـي تشعليـن الحفـل بالخصـر النحيـل
تبهريـن الحفـل وانتـي تصبحيـن الإحتـفـال
من يشوفـك غصـب عنـه قلبـه المغـرم يميـل
مو بكيفه وين مـا رحتـي معـاك القلـب مـال
إنتي نهـرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال
إنتي أختي وإنتي أمي وكـل إحسـاسٍ جميـل
وإنتي العشق الحقيقـي وزوجتـي وأم العيـال
لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكى فيكـم وقـال
إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللـي مـا تطـال
[/center]
[/b]
